No midt i oktober blomstrar det enno fint. Sola har lyst opp dagane i lang tid, og etter klare netter ligg frosten lett over bakken om morgonen.
Syrinhortensia (Hydrangea paniculata) står lenge i blomst på denne tida, og dei tørka blomstrane er vakkre gjennom vinteren.
Ein favoritt som kjem igjen og igjen med blomstrar gjennom vår, sommar og høst er denne kattosten (Malva sylvestris).
Ein fugl som ikkje trekkker til varmare strok, men som sikkert trekker inn i varmen til vinteren, står enno i staudebedet.
Høstasters (Symphyotrichum sp.) finst i mange varianter. Denne astersen her er arva frå mor sin hage.
Snøbær (Symphoricarpos albus) er vakre langt utover høsten og vinteren. Om vinteren pleier frosten å legga seg over bæra på kalde dagar, noko som gjer denne buska enno meir dekorativ.
Oktoberbergknappen (Sedum spectabile) er ein eldre plante i vår hage, og denne dukka fram under ryddinga i hagen etter me overtok.
Hageblåbær (Vaccinium spp.) vert modne litt etter litt, og har gitt oss bær frå midten av august og til slutten av september i år. Vidare utover høsten kjem det eit flott fargespel hjå bladverk, noko som kjem klart fram i den låge oktobersola.
solfjordhagen 