Kvit japanskimmia (Skimmia japonica) er flott i vårsola.
Japanskimmia har dekorative knoppar gjennom høsten og vinteren, vakre, små blomstrar med god lukt i april-mai, og desse vert etterfulgt av små frukter. Denne surjordsplanten har elles grøne blad gjennom heile året.
Her står japanskimmia «Rubella» på seinsommaren i samanplanting med dei andre surjordsplantane krypberglyng (Gaultheria procumbens) med kvite klokkeforma blomstrar og ein småblada hebe (Hebe vernicosa). Saman med desse står ein murtorskemunn (Cymbalaria muralis) med flotte blålilla blomstrar. Japanskimmia «Rubella» har raudtonar på blad og greiner, og knoppane er raude til rosa/aprikosfarga, og blomstrane har eit lyst rosa fargeskjær.
Japanskimmia er ei flott busk, særleg fordi ho gir farge til hagen gjennom vinteren so vel som resten av året, og byr på blomsterknoppar lenge før andre plantar vaknar frå vinterdvalen.
A white japanese skimmia in the sun and japanes e skimmia «Rubella» together with mainly acid soil plants. Wonderful buds during autumn and winter, small fragrant flowers in April-May followed by small fruits, with evergreen leaves.
solfjordhagen 